வெண்டை வெண்டை வெண்டைக்காய் ;
வெப்பம் தணிக்கும் குளிர்ச்சிக்காய் ;
மண்டை மூளை சுறுசுறுப்பை
மடங்காய்ப் பெருக்கும் வெண்டைக்காய் ;
சண்டைப் போட்டு நோயெதிர்ப்பைச்
சரள மாக்கிப் புற்றழிக்கும் ;
கண்ட நேர பசிவேட்கைக்
கட்டுப் படுத்தி எடைதடுக்கும் !
மெச்சும் பசையாய்க் கொழகொழப்பு
மிகுந்து நாரின் சத்தளிக்கும் ;
நச்சால் உழலும் கல்லீரல்
நலிவைப் போக்கிச் சீராக்கும் ;
அச்சம் அளிக்கும் மூச்சிரைப்பு
அடக்கி அமைதி வழிகோலும் ;
எச்சம் போக்கும் சிறுநீரில்
இழியும் சத்தைத் தடுத்துவிடும் !
பச்சைப் பசேல் வெண்டைக்காய்
பார்வைக் குறைவை மேம்படுத்தும் ;
உச்சக் குருதி அழுத்தத்தை
உயர்த்தும் கொழுப்பைக் கரைத்துவிடும் ;
அச்சம் ஊட்டும் நமனையே
அண்டா தோட்டும் வெண்டைக்காய் ;
மிச்ச மின்றி உண்ணுங்கள் ;
மேன்மை நலனைக் காணுங்கள் !
- இராதே
கருத்துகள் இல்லை:
கருத்துரையிடுக