கோவைக்காய்
கொடியில் காய்த்தக் கோவைக்காய்
கொழுப்பைக் கரைக்கும் கோவைக்காய் ;
மடிந்துத் தொங்கும் தொப்பையை
மைய இழைத்து நிமிர்த்திடும் ;
தடித்து நெளியும் நுரையீரல்
தழைக்க உதவும் கோவைக்காய் ;
கடிதில் தொற்றை மாய்த்திடக்
கருணைக் காட்டுங் கோவைக்காய் !
துடிக்கும் நரம்பின் இயக்கத்தின்
துன்பம் தீர்க்குங் கோவைக்காய் ;
கொடிய இனிப்பு நீரினைக்
குறைக்கப் பணிக்குங் கோவைக்காய் ;
படியும் பல்லின் கறைகளைப்
பதமாய்த் துலக்குங் கோவைக்காய் ;
நெடிய குடலின் கழிவுகள்
நெருக்கித் துரத்துங் கோவைக்காய் !
செரித்தல் இலகு வாக்கியே
செயலின் திறனைக் கூட்டுங்காய் ;
அரிக்குந் தோலின் படைகளை
அகற்றி விரட்டும் கோவைக்காய் ;
உரிய வளர்ச்சி எலும்புற
ஊட்டம் மூட்டுங் கோவைக்காய் ;
அரிய மருந்தாம் கோவைக்காய்
அறிந்தே உண்டு மகிழுங்கள் !
- இராதே
கருத்துகள் இல்லை:
கருத்துரையிடுக