சீத்தாப் பழம்
சோர்வு, சோம்பல், சோகையைத்
துரத்தி ஓடச் செய்திடும் ;
பார்வை வளமும் மேம்படும்
படருந் தேமல் மறைந்திடும் ;
ஆர்வ முடனே நினைவாற்றல்
அளவை அதிக மாக்கிடும் ;
மார டைப்பைத் தடுத்திடும்
மருந்து பழமே சீத்தாவாம் !
குருதிப் பெருக்கம் மேலிடும்
குருதி அழுத்தம் சமன்படும் ;
அருகும் மூச்சுக் குழலதன்
அழற்சி நீங்கத் துணைபடும் ;
சுருங்குந் தோலின் வறட்சியைத்
தோற்றப் பொலிவாய் மாற்றிடும் ;
நெருக்கும் நச்சுக் கழிவினை
நீட்சி செய்தே அகற்றிடும் ;
தசையின் பிடிப்புச் சரிபடும்
தாக்கும் தொற்றோ விடுபடும் ;
அசையா மலத்தை இளக்கிடும்
அறவே சளியை விலக்கிடும் ;
அசையும் நரம்பு வலுப்படும்
அகத்துள் இன்பம் பிடிபடும் ;
விசையாய் நன்மை பயத்திடும்
விருந்து பழமாம் சீத்தாவே !
- இராதே
கருத்துகள் இல்லை:
கருத்துரையிடுக