முள்ளங்கி
மண்ணுக் குள்ள மறைந்தே இருந்த முள்ளங்கி
மருந்துப் பண்புக் கொண்ட கிழங்கு முள்ளங்கி
தொண்டை வீக்கம் வலியைப் போக்கும் முள்ளங்கி
தொற்றும் நுண்மி எதிர்த்து நிற்கும் முள்ளங்கி ;
கண்ட ' நீர்ச்சு ருக்கை ' எடுக்கும் முள்ளங்கி
காய்ச்சல் , வெப்பம் ஓட வைக்கும் முள்ளங்கி ;
உண்ண உண்ண நன்மை பயக்கும் முள்ளங்கி
உரிய ஊட்டச் சத்தை யளிக்கும் முள்ளங்கி !
படியுங் கெட்டக் கொழுப்பை அகற்றும் முள்ளங்கி
பசியெ டுக்கும் உணர்வைத் தூண்டும் முள்ளங்கி ;
கடின மான மலத்தை இளக்கும் முள்ளங்கி
கடுமை யான சளியை அறுக்கும் முள்ளங்கி ;
முடியின் வளமை செழிக்க உதவும் முள்ளங்கி
முடியின் உதிர்தல் தடுத்து நிறுத்தும் முள்ளங்கி ;
துடிக்கும் இதயங் காக்க வருமே முள்ளங்கி
தூய்மை குருதித் துள்ளப் பாய்ச்சும் முள்ளங்கி !
குருதி இனிப்பைக் கட்டுப் படுத்தும் முள்ளங்கி
குடலில் உலவும் பிணிகள் விரட்டும் முள்ளங்கி ;
சுருக்கும் பித்த நீரை என்றும் முள்ளங்கி
சூட்டைத் தணிக்கும் வேலைப் பார்க்கும் முள்ளங்கி ;
கருமை புள்ளி பருவை நீக்கும் முள்ளங்கி
கனக்கும் உடலின் எடையை இறக்கும் முள்ளங்கி ;
அருமை யான மருந்தாய் உணவு முள்ளங்கி
அள்ளிப் பகிர்ந்தே உண்டு வாழ முள்ளங்கி !
- இராதே
கருத்துகள் இல்லை:
கருத்துரையிடுக