கிராம்பு
நறுமணம் மூட்டும் கிராம்பு
நற்குண மருந்து கிராம்பு ;
உறுமிடும் பொருமல் தீர்க்கும்
உழன்றிடுஞ் சளியைப் போக்கும் ;
உறுத்திடும் புண்கள் ஓயும்
ஒற்றிடுந் தொற்றும் மாயும் ;
இறுகிடுந் தசையின் பிடிப்பை
எடுத்திடும் உணவாங் கிராம்பு !
இயங்கிடும் நொதித்தல் பெருக்கி
எளிதில் செரித்தல் கூட்டும் ;
தயங்கிடுங் குருதி ஓட்டத்
தடைகளைச் சீர்மைப் படுத்தும் ;
துயரங்கள் ஈணும் நுண்மி
துரத்தியே ஒதுக்கி விலக்கும் ;
அயர்ந்திடும் மூச்சுக் குழலின்
அழற்சியைத் துலக்கும் கிராம்பு !
பருக்களை உதிர்க்கும் கிராம்பு
பல்வலி விரட்டுங் கிராம்பு ;
இருமலின் தாக்கம் மாய்க்கும்
ஈறுகள் சிக்கல் அறுக்கும் ;
உருட்டிடுந் தலையின் வலியை
ஒழித்திடச் செய்யுங் கிராம்பு ;
நெருடிடுந் தொண்டை எரிச்சல்
நேர்பட நிறுத்துங் கிராம்பு !
- இராதே
கருத்துகள் இல்லை:
கருத்துரையிடுக