அன்னாசிப் பழம்
தொண்டை அழற்சி நீக்குமே
தொண்டைப் புண்ணைப் போக்குமே ;
தொண்டைச் சதையின் வளர்ச்சியைத்
தோன்றா வகையில் அழிக்குமே ;
அண்டும் நச்சுப் பொருட்களை
அகற்றி உடலைக் காக்குமே ;
மண்டை மூளைக் கோளாறு
மறதி ஒழிக்கும் அன்னாசி !
திருகும் ஒற்றைத் தலைவலி
திகைக்க ஓட வைக்குமாம் ;
பெருகும் 'விக்கல்' வீக்கங்கள்
பிசிறு இன்றித் தீர்க்குமாம் ;
நெருடும் மூச்சுத் திணறலை
நெருங்கா வண்ணம் துரத்துமே ;
இரும்பு, புரதம், நார்ச்சத்தும்
இணைந்த பழமாம் அன்னாசி !
எருவாய், மார்பு, மூச்சறையுள்
எழும்பும் புற்று நோய்களை
உருவா காமல் ஒடுக்கிடவே
உதவும் பழமாம் அன்னாசி ;
அருளும் பார்வைத் திறனையே
அருளும் மேனி எழிலையே ;
திருவாய்த் திறந்தே அருந்துங்கள்
திரண்ட பயன்கொள் அன்னாசி !
- இராதே
கருத்துகள் இல்லை:
கருத்துரையிடுக