பூசணி
கொடியில் காய்க்கும் பூசணி
குளுர்ச்சித் தருமே பூசணி ;
கடிதில் நாடா புழுக்களைக்
களையுங் காயே பூசணி ;
துடிக்குங் குருதிக் கொதிப்பினைக்
குறைக்க வல்ல பூசணி ;
படிக்க மறைக்கும் கண்புரைப்
படர விடாது பூசணி !
துவலும் எலும்பு வலுவுறும்
துன்பப் புற்றுச் சீருறும் ;
கவலை யின்றி நுரையீரல்
கடமை யாற்றத் துணைபடும் ;
திவலை புதிய அணுக்களைத்
தோன்றத் தூண்டும் பூசணி ;
உவக்கும் பயன்கள் சொரியுமே
உண்ண சுவைக்கும் பூசணி ;
செழிக்கும் நீர்மச் சத்தினால்
சிறுநீர்க் கழிவை அகற்றுமே ;
ஒழியும் ஒற்றைத் தலிவலி
ஒழியும் நெஞ்சுச் சளியுமே ;
பழிக்கும் எடையும் இறங்குமே
பார்க்க இளமை தெரியுமே ;
எழிலை ஊட்டும் பூசணி
என்றும் உண்போம் பூசணி !
- இராதே
கருத்துகள் இல்லை:
கருத்துரையிடுக