தேன்
தேனு தேனு தேனுங்க '
தேறல்' என்னும் தேனுங்க ;
காணும் பயனோ நூறுங்க
காயம், புண்ணை ஆற்றுங்க ;
பேணும் முகத்தின் தோலுக்குப்
புத்து ணர்ச்சி ஊட்டுங்க ;
வேணும் மட்டுங் குடிக்கலாம்
வேண்டும் நன்மை கொள்ளலாம் !
விரைவில் உணவைச் செரித்திடும்
விரட்டும் நோயைத் தூரங்க ;
இரைப்பை, சிறுநீர் உறுப்பினை
எளிதில் போற்றிக் காங்குங்க ;
நரம்பு மண்ட லத்தினை
நன்கே அமைதிப் படுத்துங்க ;
இரவு தூங்க வைக்குங்க
இனிமை நிறைந்தத் தேனுங்க !
இயங்கும் வயிற்றின் நண்பனாம்
இந்த தேனு தானுங்க ;
செயலில் முந்தி நிற்குங்க
சிதையும் திசுவை மீட்குங்க ;
அயர்வைப் போக்கி நலந்தரும்
அருமை தேனை அருந்துங்க ;
இயற்கை அளித்த நன்கொடை
இன்பத் தேனே மருந்துங்க !
- இராதே
கருத்துகள் இல்லை:
கருத்துரையிடுக