சீரகம்
உடலின் வெப்பம் தணிக்குமே
'உப்பும்' வயிற்றைச் சரிக்குமே ;
குடலில் , பித்தப் பைகளில்
குன்றும் செயல்கள் தடுக்குமே ;
கடமை வீரர் உணர்வோடு
கண்ணின் எரிச்சல் அடக்குமே ;
தொடரும் விக்கல் நிறுத்துமே
தொண்டன் நமது சீரகம் !
காரம் , இனிப்புக் குளிர்ச்சியும்
கமக்கும் மணமும் இதன்குணம் ;
தீரா வயிற்றுப் போக்கையும்
தீர்க்கும் பணியில் முன்நிற்கும் ;
ஈரல், வயிற்றுக் கட்டிகள்
எழும்ப முளையில் கிள்ளுமே ;
சீராய் மேனி மெருகுற
செப்பும் வழிகள் சீரகம் !
உயரும் குருதி அழுத்தத்தை
ஒழுங்குப் படுத்த வகைசெயும் ;
துயரம் நல்கும் தலைசுற்றல்
துன்பம் விலக வைக்குமாம் ;
அயர்வி லாதே உழைக்குமாம்
அருமை கருப்பு சீரகம்
உயர்ந்த மருந்தாம் சீரகம்
உணவில் சேர்த்து பயன்கொள்வோம் !
- இராதே
கருத்துகள் இல்லை:
கருத்துரையிடுக