எலுமிச்சை
புளிப்பானத் தனிச்சுவையே எலுமிச்சை
புதுத்தெம்புத் தருங்கனியே எலுமிச்சை ;
களிப்பானப் புத்துணர்வை உண்டாக்கும்
கடுமூலநோய்த் தணிக்கமா மருந்தாகும் ;
சலிப்பான உடல்சோர்வுந் தலைவலியும்
சட்டெனவே பறந்தோட வழிவகுக்கும் ;
மலிவாக கிடைத்தாலும் மருந்தாக
வயிற்றிரைச்சல் செரிமானம் சரியாக்கும் !
வாய்நாற்றம் பல்வலியும் இருமலுமே
வந்தஇடம் தெரியாமல் ஓட்டிவிடும் ;
பேய்ப்பசியைத் தூண்டிவிடும், பெரும்பித்தம்,
பெருங்குமட்டல் வாந்தியையும் தடுத்துவிடும் ;
தாய்ப்போல கனிவாக அரவணைக்கும்
தடந்தேளின் கொடியவிடம் முறித்துவிடும் ;
நோய்த்தொற்றும் நச்சிழிவுக் கழிவுகளை
நொடிப்பொழுதில் சிறுநீற்றில் வெளியேற்றும்!
யானைக்கால் நோய்க்குறைக்க இதுஉதவும்
அழுக்கான 'நகசுத்தி' நோய்த்தீர்க்கும் ;
பானைப்போல் பருத்தஉடல் இளைக்கவைக்கும்
பதமாக குருதிக்குழாய் அடைப்பெடுக்கும் ;
சேனையென உடல்போற்றி உயிர்க்காக்கும்
சீற்றமுறும் வாய்ப்புண்ணைச் சீராக்கும் ;
தேனைப்போல் இனிக்கின்ற நற்பயன்கள்
தினந்தந்து நமைகாக்கும் எலுமிச்சை !
-இராதே
கருத்துகள் இல்லை:
கருத்துரையிடுக