மிளகு
பத்து மிளகு கிடைத்திடின்
பகைவர் வீட்டில் உண்ணலாம் ;
அத்து மீறும் நஞ்சினை
அறுத்தே அழிக்க வல்லதாம் ;
இத்து நசியும் நரம்பிற்கும்
எழுச்சி உணர்வை ஊட்டுமாம் ;
மெத்த நல்கும் மருத்துவம்
மிகுந்த உணவு மிளகுதான் !
சளியும், கோழை, இருமலும்
சட்டென் றோட உழைக்குமே :
எளிதில் உணவும் செரித்திடும்
எதிர்க்கும் வாயு மாய்ந்திடும் ;
இளிக்கும் பல்லின் கூச்சத்தை
இல்லா தாக்கி விடைதரும் ;
அளிக்கும் மிளகின் பயன்கள்தாம்
அறிந்தே உண்டு மகிழலாம் !
முறியும் உறைந்த சோம்பலும்
மூளும் நினைவின் ஆற்றலும் ;
பொறிக்கும் உருளைக் கிழங்கிற்கும்
பொங்கல், கோழி ரசத்திற்கும்
தெறிக்குங் கார மணந்தரும்
தேர்ந்த மிளகை தூவலாம் ;
குறியாய் உடம்பைக் காத்திடும்
குண்டு மிளகை உண்ணங்கள் !
- இராதே
கருத்துகள் இல்லை:
கருத்துரையிடுக