உருளைக் கிழங்கு
உருளை உருளைக் கிழங்காம்
உண்ண சிறந்த கிழங்காம் ;
சுருக்கந் தோலில் நீக்கும் சுணங்கும் வயிற்றைக் காக்கும் ;
பெருகும் சிறுநீர்க் கற்கள்
பெருக விடாமல் கரைக்கும் ;
அருமை நிறைந்த ஆற்றல்
அருளும் உருளைக் கிழங்காம் !
உடனே உணவு செரிக்கும்
ஊட்டம் எடையைக் கூட்டும் ;
தடைகள் இன்றிக் குருதித்
தடங்கள் இயக்கும் கிழங்காம் ;
குடலில் புற்றின் அணுக்கள்
குறைக்க உதவும் கிழங்காம் ;
உடலில் புளித்த அமிலம்
ஒழிக்கும் உருளைக் கிழங்காம் !
எண்ணெய் வழியும் முகத்தை
இயல்பாய் உலர வைக்கும் ;
புண்கள் உறுத்தும் வயிற்றைப்
பேணிக் கடமை ஆற்றும் ;
மண்ணின் அடியில் மறைந்தே
வளரும் உருளைக் கிழங்கை
எண்ணிப் போற்றி உண்போம்
எதிர்ப்புச் சத்துக் கொள்வோம் !
- இராதே
கருத்துகள் இல்லை:
கருத்துரையிடுக