சுரைக்காய்
சுரைக்காய் சுரைக்காய் சுரைக்காய்
சுவையாய் விளங்கும் சுரைக்காய் ;
உரைக்கும் வேட்கைத் தணிக்கும்
உடலின் வெப்பங் குறைக்கும் ;
நரம்பை ஊக்கப் படுத்தும்
நல்ல தூக்கங் கொடுக்கும் ;
சுரக்கும் நீரின் மிகையால்
சேர்'நீர்ச் சுளுக்கு' மறையும் !
பெருகும் வெப்ப நோய்கள்
புரண்டு மிரண்டே ஓடும் ;
குருதி இனிப்புச் சரியும்
குடற்புண் சிக்கல் நசியும் ;
நெருடும் நச்சுக் கழிவை
நீர்த்து சிறுநீ ராக்கும் ;
சிறுநீ ரகத்தின் பிணிகள்
சிதைக்கும் ஒருகாய் சுரைக்காய் !
ஓய்த லின்றி உழைத்தே
உணவுக் குழல்நோய் நீக்கும் ;
காய்ச்சல் வராமல் தடுக்கும்
கால்,கை எரிச்சல் ஒடுக்கும் ;
நோய்கள் எதிர்க்கும் ஆற்றல்
நுட்ப மாக வார்க்கும் ;
ஆய்ந்தே உடலைப் பேணும்
அருங்காய் சுரைக்காய் தானே !
- இராதே
கருத்துகள் இல்லை:
கருத்துரையிடுக