பப்பாளி
மாவு, புரதம், நார்ச்சத்து
மண்டிக் கிடக்கும் பப்பாளி ;
மேவும் நரம்புத் தளர்ச்சியினை
மேன்மை யுறுத்தி வளப்படுத்தும் ;
நாவும் மகிழ்வில் நீருறும்
நன்கு செரிக்க வழிவகுக்கும் ;
நோவும் சாவும் அண்டாமல்
நூறு வயது வாழ்விக்கும் !
சிறுநீர்க கற்கள் கரைந்தோடும் ;
சிதையும் பற்கள் சீர்மையுறும் ;
இறுகும் மலமும் இளகிவிடும் ;
எளிதில் உடலும் இளைத்துவிடும் ;
குறுகும் முகத்தின் சுருக்கங்கள்
குன்றி முகமே பொலிவுபெறும் ;
அறுமே கண்கள் கோளாறு ;
அனைத்தும் தருமாம் பப்பாளி !
அழகுக் கூட்டும் பப்பாளி ;
அறிவைத் தூண்டும் பப்பாளி ;
துழவித் துருவி நோய்த்தீர்க்கும் ;
துடிக்கும் இதய நலம்பேணும் ;
முழக்க மிட்டே கூவுங்கள்
முதன்மை பழமே பப்பாளி ;
பழத்தில் மருத்துவர் பப்பாளி ;
பறித்து பகிர்ந்தே தின்னுங்கள் !
- இராதே
கருத்துகள் இல்லை:
கருத்துரையிடுக