கொய்யா பழம்
செழுமை மஞ்சள் நிறமும்
செரிக்க வைக்கும் குணமும்
பழுத்த பின்னே மணமும்
பசியைச் சுருக்குந் திறமும்
கொழுத்த வயிற்றுப் புண்ணைக்
குறைக்கும் மருந்துத் தரமும்
அழுத்த மாக வழங்கும்
அருமை கொய்யா பழமே !
பார்வை மேன்மை கூட்டும்
பற்கள் உறுதிப் பூட்டும் ;
சீர்த்த சிரங்கு , சொரியைத்
தீர்த்துக் கட்டி ஓட்டும் ;
நீர்த்து மலத்தை இளக்கும்
நெருடுந் தொற்றை விலக்கும் ;
ஆர்த்தப் புற்று நோயை
அருந்துங் கொய்யா ஒடுக்கும் !
உடலின் எடையை இறக்கும்
உயிரி அணுக்கள் பெருக்கும் ;
குடலில் தெம்பைச் சேர்க்கும்
குன்றா இளமை ஊட்டும் ;
தொடரும் இனிப்பு நோயைத்
தொடரா வண்ணம் நிறுத்தும் ;
அடர்த்தி யான நன்மை
அளிக்கும் கொய்யா பழமே !
- இராதே
கருத்துகள் இல்லை:
கருத்துரையிடுக