மாதுளை
சுத்த குருதி நிறத்திலே
சுவைகள் தெறிக்கும் பரல்களாய்
முத்து முத்து மணியென
மூடித் தோலுள் மாதுளை
சத்து பலவும் இதனிடம்
சளைக்க சளைக்க கிடைத்திடும் ;
நித்தம் நித்தம் உண்ணுங்கள் ;
நிறைந்த பயனைக் கொள்ளுங்கள் !
அத்து மீறும் கொழுப்பினை
அடக்கி எடையைக் குறைத்திடும் ;
மெத்து மெத்து விதைகளால்
மேனித் தோலைப் பேணிடும் ;
பித்த நோய்கள் தாக்கத்தைப்
பிடர்ப்பி டித்துத் தள்ளிடும் ;
இத்துப் போன நரம்பினை
இயக்கி வலிமை கூட்டிடும் ;
தலையில் முடியின் வேர்களைத்
தழைக்க நன்கு உதவிடும் ;
நிலைத்தே நினைவின் ஆற்றலை
நீடித்தி ருக்கப் பயன்தரும் ;
குலைந்த இதயம் சீர்பட
குறித்த நன்மை தந்திடும் ;
நலங்கள் வழங்கும் மாதுளையை
நாளும் விரும்பி உண்ணுவோம் !
- இராதே
கருத்துகள் இல்லை:
கருத்துரையிடுக