புடலங்காய்
வடிவில் பாம்பாய்த் தோன்றுமாம்
வளமை மிக்க புடலங்காய் ;
தடித்த வயிற்றுப் பொருமலைத்
தவிர்க்கும் காயாம் புடலங்காய் ;
வெடிக்கும் மூல நோய்தனை
விரைந்துச் சீர்மை செய்யுமே ;
துடிக்கும் நரம்பு மேம்படத்
துள்ள லோடே இயங்கும் !
தொண்டைப் புண்கள் ஆற்றுமே
தோன்றுஞ் சூட்டைத் தணிக்குமே ;
கண்கள் பார்வைத் துலக்குமே ;
மண்டை நினைவின் ஆற்றலை
மறதிப் போக்கிக் கூட்டுமே ;
குண்டாய் உடலும் மாறிடக்
கொள்ளும் மருந்தே புடலங்காய் !
காய்கள், வேர்கள், இலைகளும்
களிக்கும் மருந்தாய் மாறுமே ;
நோயாம் மஞ்சள் காமாலை
நொடிக்க வைக்கும் புடலங்காய் ;
நோய்க ளற்ற மேனியை
நுவலுங் காயே புடலங்காய் ;
வாய்த்த இயற்கை மருந்திதாம்
வணங்கிப் புடலை உண்ணுவோம் !
- இராதே
கருத்துகள் இல்லை:
கருத்துரையிடுக