பூண்டு
பூண்டு பூண்டு பூண்டு
புரட்சிப் பயிராம் பூண்டு ;
தூண்டும் கார அமிலம்
தொற்றை முற்றும் அழிக்கும் ;
கூண்டு போல காப்புக்
கொண்டே இதயம் காக்கும் ;
பூண்டே உணவு மருந்து
புவிக்குக் கிடைத்த விருந்து !
குருதிக் குழாயை விரிக்கும்,
குருதி ஓட்டம் பெருக்கும் ;
குருதிக் கட்டிகள் உடைக்கும் ,
குருதி உறைதல் எதிர்க்கும் ;
குருதிக் கொழுப்பைக் கரைக்கும் ,
குருதிக் கொதிப்பை அடக்கும் ;
குருதி வளத்தைப் பேணும்
குணமே கொண்ட பூண்டு !
பருக்கள் , மருக்கள் நீக்கும்
பல்லின் சொத்தைப் போக்கும் ;
உருக்கும் புற்றை மாய்க்கும்
உடலின் சோர்வை ஏய்க்கும் ;
பெருகும் வாயு தொல்லை
பிணிக்கு இதுவே மருந்தாம் ;
அருமை உணர்ந்தே பூண்டை
அதிகம் உணவில் சேர்ப்போம் !
- இராதே
கருத்துகள் இல்லை:
கருத்துரையிடுக