கருணைக் கிழங்கு
உடலின் வெப்பம் இறங்கிட
உடலின் எடையை குறைத்திட
உடலின் எழிலைக் கூட்டிட
உழைக்குங் கிழங்குக் கருணை பார் !
குடலில் நுண்மிக் கொன்றிடக்
குடலின் கழிவை நீக்கிடக்
குடலின் புண்ணை ஆற்றிடக்
குடலைக் காக்குங் கருணை பார் !
அருகும் பசியைத் தூண்டிட
அமிலச் சுரப்பை நீர்த்திட
அரற்றும் வாயு தீர்த்திட
அருளை வழங்கும் கருணை பார் !
உருக்கும் மூல நோய்களை
உளைச்சல் கொடுக்கும் கடுப்பினை
உலர்ந்து மூலம் சரிபட
உயர்ந்த மருந்து கருணை பார் !
மூளும் வலிகள் விடைபெற
மூட்டு வலிகள் மறைபட
முள்ளாந் தண்டு வலிவிட
முனையுங் கிழங்குக் கருணை பார் !
எலும்பு வலிமை பெற்றிட
எகிறுங் காய்ச்சல் அடங்கிட
இரப்பைப் புற்றும் அகன்றிட
எளிய மருந்து கருணை பார் !
பித்தக் கற்கள் போக்கிடப்
பித்தப் பையைக் காத்திடப்
பித்த நோய்கள் மாய்த்திட
பிறந்த கிழங்குக் கருணை பார் !
இதய நலனைப் போற்றிட
இறுகும் மலத்தை இளக்கிட
எளிதில் கொழுப்பைக் கரைத்திட
இயங்கும் மருந்து கருணை பார் !
- இராதே
கருத்துகள் இல்லை:
கருத்துரையிடுக