பீர்க்கங்காய்
முடக்கு வாதம் நீக்கும்
முதுகு வலியைப் போக்கும் ;
இடக்குக் கொடுக்குந் தொற்றை
எட்டி உதைத்து விரட்டும் ;
அடங்க மறுக்கும் சிரங்கை
அடக்கி ஒடுக்கித் துரத்தும் ;
தொடர்ந்து நன்மை நல்கும்
துணைவன் பீர்க்கங் காயாம் !
முரட்டுச் சளியை ஓட்டும்
முற்றுங் கொழுப்பை உரிஞ்சும் ;
புரட்டும் இரப்பைப் புண்ணைப்
புரட்சிச் செய்தே ஆற்றும் ;
அரற்றும் வயிற்றுப் போக்கை
அமைதி வழியில் நிறுத்தும் ;
முரண்டு பிடிக்கும் பிணிகள்
மோதி வெல்லும் பீர்க்கன் !
திரளும் இனிப்பு நீரின்
சீற்றங் கட்டுப் படுத்தும் ;
மருளுங் கல்லீ ரல்நோய்
மடியத் துணையாய் நிற்கும் ;
உரசுந் தோலின் நோய்கள்
ஓடி ஒளிய வைக்கும் ;
பரந்த மருந்துப் பயன்கள்
பரப்பும் காயே பீர்க்கன் !
- இராதே
கருத்துகள் இல்லை:
கருத்துரையிடுக