பலாப் பழம்
பச்சை முள்ளு தோலுடன்
பருத்துப் பெருத்தப் பலாப்பழம் ;
மெச்சும் மணத்தை வீசுமே ;
வெட்டி யறுக்கப் பால்பிசின்
நச்சு நச்சென் றொட்டுமே
நல்ல எண்ணெய்த் துணைகொண்டே
அச்ச மின்றி அறுக்கலாம்
அருமை சுளைகள் சுவைக்கலாம் !
ஊட்டம் நிறைந்த உயிர்ச்சத்தும்
உயர்ந்த செம்புச் சத்துகளும்
வாட்ட மாக கொண்டதால்
வழங்கும் நன்மை பலபல ;
ஆட்டம் போடுங் குடல்புற்றை
அடக்கி அழிக்க வல்லதாம் ;
ஓட்ட மாக நச்சுயிரி
ஓடி ஒளிந்தே அகலுமே !
வெள்ளை அணுக்கள் குருதியில்
மேலும் மேலும் பெருகிட
தொல்லை சோகை ஒழிந்திடும் ;
துவலும் எலும்பும் வலுவுறும் ;
துள்ளும் இளமை கூடிடும்
தோன்றும் நரைகள் மறைந்திடும் ;
அல்லல் கொடுக்கும் தீங்கினை
அடித்தே விரட்டும் பலாப்பழம் !
- இராதே
கருத்துகள் இல்லை:
கருத்துரையிடுக