ஆனந்த களிப்பு
மறைமலை அடிகள்
மறைமலை அடிகளார் என்றே - தமிழில்
மாற்றிய தன்பெயர் வைத்தாரே நன்றே !
துறைபல அறிவுகள் வென்றே - மொழி
துளிர்த்திட உழைப்பினை ஈந்தாரே அன்றே !
சொற்றமிழ் கலப்புகள் கொன்றார் - தூய
சொற்படுந் தனித்தமிழ் வழியினில் சென்றார் !
நற்றமிழ் காத்திட நின்றார் - நாளும்
நற்பயன் மேவிடும் செம்மொழி கண்டார் !
சிவனியம் தமிழுமே மூச்சு - அதை
சிறப்புற செயல்பட தொடர்ந்தார்நல் பேச்சு
கவணுறு தனித்தமிழ் வீச்சு - எங்கும்
கவின்மிகு செந்தமிழ் வீற்றிடுங்கோ லேச்சு !
நனிமொழி எதிர்ப்போரின் சந்தை - வீழ
நயம்பட போரிட்ட ஆர்த்தெழு எந்தை !
தனித்தமிழ் இயக்கத்தின் தந்தை - இவர்
தாய்மொழி செழித்திட செய்தாரே விந்தை !
- இராதே
கருத்துகள் இல்லை:
கருத்துரையிடுக